Авторларға арналған нұсқаулық

АВТОРЛАР ҮШІН АҚПАРАТ

«Абай атындағы ҚазҰПУ Хабаршысы. Көркемөнерден білім беру: өнер, теориясы, әдістемесі сериясы» журналына материалдар электрондық пошта арқылы қабылданады:

e-mail: arteducation.kaznpu@gmail.com 

Хат алмасуға жауапты автор "Біздің авторлар" бөліміндегі формаға сәйкес байланыс және жеке деректерін ұсынуға міндетті.

Жариялау тілдері: қазақ, орыс, ағылшын.

Студенттердің мақалалары тек ғылыми дәрежесі бар тұлғалармен бірге бірлескен авторлықта ғана жарияланады.

Назарларыңызға аударамыз, бір автордың жинақта жариялай алатын ең көп мақалалар саны – 1. Егер мақала ең жоғарғы көлемде болса, 5 авторға дейін бірлескен авторлық рұқсат етіледі.

Барлық мақалалар Антиплагиат жүйесінде ұрлыққа (плагиатқа) тексеруден өтеді, ең төменгі түпнұсқалық деңгейі – 70%. Мақаладағы деректердің шынайылығы үшін автор(лар) жауапты. Техникалық және басқа да адал емес әдістер арқылы түпнұсқалықты жасанды түрде арттыру жарияланымнан шығарып тастауға әкеледі. Мақалалар соқыр сараптамадан өтеді.

Мақала қабылдау мерзімдері:
1-тоқсан – 30 наурызға дейін;
2-тоқсан– 30 маусымға дейін;
3-тоқсан – 30 қыркүйекке дейін;
4-тоқсан – 30 желтоқсанға дейін.

Жарияланымға қабылданғаны туралы растаусыз төлемге қатысты шағымдар қарастырылмайды. Егер мақала дер кезінде төленбесе, бірақ жариялауға қабылданған болса, ол автоматты түрде келесі нөмірге ауыстырылады.

Ғылыми мақаланың құрылымы:
- МРНТИ
- УДК
- Мақаланың атауы
- Автор(лар)дың аты-жөні
- Үш тілдегі аннотация (қазақ, орыс, ағылшын тілдерінде, 300 сөзден аспауы тиіс)
- Үш тілдегі (қазақ, орыс, ағылшын) кілт сөздер (жеке сөздер немесе сөз тіркестерінен тұруы керек)

Толық мәтін:
1. Кіріспе
2. Зерттеу материалдары мен әдістері
3. Нәтижелер және олардың талқылауы
4. Қорытынды
5. Әдебиеттер тізімі (кемінде 10, ең көбі 20 дереккөзді қамтуы тиіс, **міндетті түрде** Scopus және Web of Science-та индекстелген басылымдарға сілтемелер болуы қажет. Өзін-өзі дәйектеу – 1-2 дереккөзден аспауы тиіс)

- References (қазақ және орыс тілдеріндегі мақалалар үшін пайдаланылған әдебиеттер тізімінің транслитерациясы міндетті)
- Библиографиялық тізім (оригинал тілінде) және References (тек ғылыми зерттеулерді қамтитын және журнал талаптарына сәйкес рәсімделген)
- Автор туралы мәліметтер:
- Тегі, аты, әкесінің аты (бар болса)
- Ғылыми дәрежесі, атағы, қызметі
- Ұйымның атауы (мекенжайын көрсете отырып)
- e-mail, ORCID (міндетті), ResearcherID, Scopus AuthorID (бар болса)

Техникалық талаптар:
- Беттер нөмірленуі керек, тасымал белгілері қойылмайды.
- Иллюстрациялар (JPEG форматында, 300 dpi-ден төмен емес рұқсатпен) жеке файлдар түрінде жіберіледі. Барлық суреттер нөмірленуі тиіс, мәтінде оларға сілтемелер болуы қажет.
- Мақалаға иллюстрациялар тізімі жеке файлмен қоса беріледі, онда қазақ, орыс және ағылшын тілдерінде суреттердің атаулары көрсетілуі керек.
- Барлық иллюстрациялар авторлық құқықпен қорғалған болуы және жариялауға рұқсат етілуі тиіс.